WAITER GIPATINDOG OG 2 KA ORAS HUMAN NITAWA'G OG SIR SA USA KA LGBTQ+A sud sa ULLI'S Restaurant diha sa Ayala Mall Cebu.
#judebacalso #AyalaMalls
Sikat nga TV host ug personality dinhi sa Sugbo nga si Jude Bacalso ang na-hot seat ilabi na sa social media human nagviral ang post labot sa giingong pagpatindog niini og usa ka waiter sa restaurant nga Ulli's Streets of Asia sa Ayala Center Cebu kagahapong adlawa, Hulyo 21, 2024 sud sa duha ka oras.
Kini human ang maong waiter giingong nitawag kang Bacalso og 'Sir' dihang nikaon kini sa maong restaurant.
Ang laing customer sa maong kan-anan maoy nagpost na sa panghitabo nga si John Calderon human iyang nasayran ang tanan.
Gani gibutyag sab ni Calderon nga siya na ang nagbira sa waiter padung sa ilang staff room aron ipangutana kon unsa'y nahitabo tali nilang Bacalso.
Exclusive nga na-interview sa DYHP RMN CEBU ug iFM 93.9 Cebu si Calderon ug nisaysay gihapon kini sa iyang post bahin sa nahitabong insidente diin ang iyang inahan maoy unang nakamatikod sa maong waiter nga dugay nga nagtindog atubangan ni Bacalso.
Samtang nitubag si Bacalso sa post ni Calderon ug nipadayag sa iyang habig labot sa maong insidente.
Apan taliwa niini, lain-laing reaksyon ang gipadayag sa mga netizens labot sa maong panghitabo diin sagad nakaangkon kini og mga pagsaway ngadto sa sikat nga TV host.
Ang DYHP RMN CEBU ug iFM 93.9 Cebu nisuway pagkontak kang Bacalso apan hangtod nibg pagkutlo sa balita wala pa kini mo-reply. Hinoon, andam ang sibyaanan pagpaminawo kang Bacalso alang sa iyang habig.
Ctto RMN
Mao kini ang official statement sa Ulli's Restaurant diha sa Ayala Center Cebu
0 Comments