Iligan City – Usa ka Grade 3 student sa Maria Cristina Falls Elementary School ang kasamtangang naka-admit sa Intensive Care Unit (ICU) human kini gitabangan og kulata sa grupo sa mga high school students sa dakbayan sa Iligan.
Nailhan ang biktima nga si Jonard Ensipido, residente sa Purok 30, Zone 12, Maria Cristina, Iligan City.
Nag-viral sa social media ang video sa maong insidente diin makita nga ginakulata si Jonard sa grupo sa mga batan-on. Sumala sa report, nakaangkon og daghang bun-og si Jonard ug misaka usab ang iyang hilanat, hinungdan nga gibalhin siya sa Northern Mindanao Medical Center sa Cagayan de Oro City aron matambalan.
Sa pagkakaron, nagpangayo og tabang ang pamilya ni Jonard sa publiko alang sa pinansyal nga suporta aron masustentuhan ang inadlaw-adlaw nga gasto sa ospital. Nangayo usab sila og mga pag-ampo alang sa paspas nga pagkaayo ni Jonard.
Nanawagan sab ang pamilya sa mga otoridad nga buhaton ang hustong imbestigasyon ug mahatagan og hustisya ang ilang anak.
#cttocredittotherightfulowner #cttoOfvideonotmine
0 Comments